अमेरिकामा आगामी दुई हप्ता निकै डरलाग्दो हुने

न्युयोर्क

अमेरिकी राष्ट्रपति कार्यालयको कोरोना भाइरस कार्यदलले आगामी दुई हप्ता अझै डरलाग्दो हुने हुँदा बजारमा दैनिक उपभोग्य बस्तु किनमेल गर्न समेत नजान संकेत गरेको छ । कोरोना भाइरस कार्यदलका सदश्य डा. डेबराह ब्रिक्सले शनिबार साँझको पत्रकार सम्मेलनमा भनेकी छिन् “आगामी दुई हप्ता अति नै महत्वपूर्ण  छ । यो दुई हप्ता ग्रोसरी गर्न स्टोरमा र औषधी किन्न फार्मेसीमा जाने समय होईन । सबैले आफ्नो परिवार र साथीभाईलाई बचाउने समय हो” ।

आईतबार साँझ सम्म ९ हजार ५ सयको मृत्‍यु र ३ लाख ३४ हजार संक्रमित भएर कोरोना संक्रमितको संख्यामा विश्वमा नै नम्बर एक बन्दै गर्दा राष्ट्रपति ट्रम्पले शनिबारको पत्रकार सम्मेलनमा भनेका छन् “सबैभन्दा खराब समय आउन बाँकी नै छ ।  यो हप्ता र आगामी हप्ता सम्भबत सबैभन्दा कठिन हप्ता हुने छ” । राष्ट्रपति ट्रम्प थप्छन् – “थुप्रैको मृत्‍यु हुनेछ । दुर्भाग्यबस मृत्‍यु हुन्छ” । ४ हजार १ सय ६० को मृत्‍यु र १ लाख २३ हजार संक्रमित भएर न्युयोर्क राज्य अमेरिकाकै कोरोना ईपिसेन्टर बनेको अवस्थामा गभर्नर कुमोले पनि चेतावनी दिदै भनेका छन् “संघर्षको पहाडको टुप्पोमा पुग्न नै बाँकी छ” ।

from vishowews

Leave a Reply

Your email address will not be published.