काठमाडौँ — कांग्रेसको वरिष्ठ नेता रामचन्द्र पौडेल समूहका नेताहरु साझा उम्मेदवारी चयनका लागि फेरि छलफलमा जुटेका छन् । भृकुटीमण्डपमा खुलासत्र सकिएलगत्तै नेताहरू बत्तीसपुतलीस्थित अनुपम फुडल्यान्डमा भेला भएका हुन् ।
‘साझा उम्मेदवार चयन गर्ने विषयमा छलफल हो, यो अन्तिम प्रयास हो, अब जे हुन्छ, त्यही हुन्छ,’ एक केन्द्रीय सदस्यले भने । महाधिवेसनको उद्घाटन सकिदा पनि पौडेल समुहलाई नेता छान्ने सकस भएको छ । यसै पनि सभापतिमा देउवा पल्लाभारी भईसकेको अवस्थामा पौडेल समुहको यो हविगतले फेरी पनि देउवाको वर्चश्व हुने निश्चित देखिन्छ ।
सभापतिका लागि वरिष्ठ नेता रामचन्द्र पौडेल, पूर्वमहामन्त्री प्रकाशमान सिंह, महामन्त्री शशांक कोइराला र केन्द्रीय सदस्य शेखर कोइराला आकांक्षी छन् । कोइरालाद्वयले पौडेलको नाममा सहमति गरेर साझा उम्मेदवार चयन गर्न सकिने बताए पनि सिंहले अडान नछोडेपछि साझा उम्मेदवार चयनको विषय अन्योल बनेको हो ।