एनआरएन अमेरिकाको निर्वाचन परिणाम सार्वजनिक

(अमेरिका) – गैर अावासीय नेपाली संघ (एनआरएनए) अमेरिकाको नयाँ नेतृत्वका लागि भएको चुनावको सम्पूर्ण नतिजा सार्वजनिक भएको छ ।

निर्वाचन समितिले सोमबार बिहान चुनावको सबै नतिजा प्रकाशित गर्दै विजयीहरूको घोषणा गरेको हो । चुनावी परिणाम अनुसार ५६१८ मत सहित बुध्दि सुवेदी अध्यक्ष निर्वाचित भएका छन् । उनका निकटम प्रतिद्वन्दी कृष्ण प्रसाद लामिछानेले ५२०० मत पाएका छन् ।

वरिष्ठ उपाध्यक्षमा कृष्णजीवी पन्त, उपाध्यक्षहरूमा विकास उप्रेती, दिलुराम पराजुली, गोपेन्द्र भट्टराइ र सुमन थापा विजयी भएका छन् । त्यस्तै महासचिवमा अञ्जन चाैलागाइ निर्वाचित भए भने सचिवमा अनुप खनाल विजयी भए ।

प्रमुख निर्वाचन अायुक्त विश्वनाथ वरालले चुनाव सम्पन्न गर्न सहयोग गर्ने सबैलाइ धन्यवाद ज्ञापन गरेका छन् ।

निर्वाचन परिणाम पछि अध्यक्षका प्रतिस्पर्धी कृष्ण लामिछाने र डा. अर्जुन बञ्जाडेले चुनावी परिणाम स्विकार गर्दै सामाजीक सञ्जाल फेसबुक मार्फत विजयीहरूलाइ वधाइ ज्ञापन गरेका छन् । त्षस्तै महासचिवका उम्मेदवार विनोद भट्ले पनि निर्वाचन परिणाम स्विकार गर्दै विजयी अञ्जन चाैलागाइलाइ वधाइ दिएका छन् ।

विजयीहरूले आउँदो जुलाइ ३ मा हुने संस्थाको साधारण सभा तथा पद हस्तान्तरण कार्यक्रम पछि अाैपचारिक रूपमा पदवहाली गर्नेछन् ।

एनआरएनए अमेरिकाको निर्वाचन २०२१-२०२३ का लागि निर्वाचित पदाधिकारीहरु :