यस्तै दुई सह–कोषाध्यक्ष मध्ये एक महिला अनिवार्य, क्षेत्रीय युवा उपसंयोजक थपिने, निर्वाचन समिति संख्या आवश्यकताअनुसार राख्ने, पाँच सदस्यीय निर्वाचन अनुगमन समिति बनाइने, एक महिलासहित २ जना सचिव थपिने, केन्द्रीय सल्लाहकार ११ जनाबाट बढाएर २१ जना कायम गर्ने, पेशागत तथा शैक्षिक समन्वय इकाई गठन प्रावधान राखिएको छ । यस्तै क्षेत्रीय महिला उपसंयोजक थपिने, निर्वाचन अनलाइन माध्यमबाट गरिने, आइसीसीको निर्देशन नमान्ने राष्ट्रिय समिति कारबाहीमा पर्ने, केन्द्रीय प्रतिनिधि चयन ६५ प्रतिशत पुराना र २५ प्रतिशत एनसीसीबाट निर्वाचित, १० प्रतिशत अध्यक्षले मनोनित गर्ने र .अध्यक्षले विश्वभरबाट १५ प्रतिनिधि थप्न सक्ने प्रावधान राखिएको छ ।
संशोधित विधान नेपाल सरकारको परराष्ट्रमन्त्रालयले प्रमाणित गरेपछि लागू हुनेछ । आजबाट सुरु विशेष महाधिवेशनको भोलिको सत्रमा आइतबार आर्थिक प्रतिवेदनमाथि छलफल हुने महासचिव डा हेमराज शर्माले जानकारी दिनुभयो ।