काठमाडौँ : अमेरिकी राजदूत र्यान्डी बेरीले प्रधानमन्त्री शेरबहादुर देउवालाई उनकै निवास बुढानीलकण्ठ पुगेर बधाई दिएका छन् । आज बिहीबार देउवालाई भेट्न बेरी बुढानीलकण्ठ पुगेका थिए ।
बेरीसँगको भेटपछि देउवाले ट्वीटरमा आफ्नो नयाँ कार्यकालमा नेपाल र अमेरिकाबीचको मित्रता र साझेदारीलाई थप सुदृढ गर्ने उल्लेख गरेका छन् । बेरीले मंगलबार मात्रै प्रधानमन्त्री नियुक्त भएका देउवालाई टेलिफोन तथा सामाजिक सञ्जालमार्फत पनि बधाइ दिएका थिए ।