अमेरिकी अध्यागमन नीतिमा कडाई, असाईलम अधिकार नदिने जुन देशबाट आयो त्यतै फिर्ता

अमेरिकी राष्ट्रपति जो बाइडेनले बिहीबार नयाँ अध्यागमन प्रतिबन्धहरू घोषणा गरेका छन् । जसमा मानिसहरूलाई अमेरिकामा एसाइलमको अवशर नदिइकनै शीघ्र देशनिकाला गर्ने कार्यक्रमहरूको विस्तार लगायत छन् ।

बाइडेन प्रशासनको नयाँ घोषणा अनुशार विना स्वीकृति सिमाक्षेत्रबाट गैरकानुनी रुपमा अमेरिका प्रवेश गर्ने, अमेरिकामा रहने कुनै कानुनी आधार नभएका र जनस्वास्थ्य सम्बन्धि नियम टाइटल ४२ अन्तरगत हटाउन नसकिनेहरुलाई जुन देशबाट आएको हो, त्यही देशमा तीब्र गतिमा देशनिकाला गरिनेछ भने पुन अमेरिका प्रवेशका लागि ५ बर्षको प्रतिबन्ध लगाइने भएको छ ।

मुलुकको ध्यान प्रतिनिधिसभाबाट सभामुख छान्न असफल भइरहेका रिपब्लिकनहरुतिर केन्द्रीत रहेको बेलामा बाइडेनले प्रशासनले आफ्नो प्रशासनको सबैभन्दा राजनीतिक रूपमा संवेदनशील मुद्दाहरू मध्ये एकलाई सम्बोधन गर्ने प्रयास गर्दैछ ।

नयाँ कार्यक्रमले क्युबा, निकारागुआ, हाइटी र भेनेजुएलाका ३० हजार आप्रवासीहरूलाई प्रत्येक महिना अमेरिका आउन अनुमति दिन परोल अधिकारको प्रयोगलाई विस्तार गर्नेछ । तर त्यसका लागि अमेरिकी स्पोन्सरले पहिले उनीहरुका लागि आवेदन दिनुपर्नेछ ।

 

तर गैर कानुनीरुपमा यस क्षेत्रबाट अमेरिका आउने प्रयास गर्नेहरू मेक्सिकोमा द्रुत निष्कासन जोखिममा पर्नेछन् । किनकि प्रशासनले महामारीकालिन टाइटल ४२ सार्वजनिक स्वास्थ्य नीतिको प्रयोग विस्तार गर्ने योजना बनाएको छ।

मेक्सिकोले ती राष्ट्रहरूबाट गैरकानुनी रुपमा अमेरिका प्रवेश गर्न खोज्नेहरुमध्ये प्रत्येक महिना ३० हजारलाई फिर्ता लिन सहमत भएको अमेरिकी अधिकारीहरूले बिहीबार बिहान एक ब्रीफिंगमा पत्रकारहरूलाई बताएका छन् ।

.

कानुनी चुनौतीहरूको सम्भावना रहेको नयाँ मापदण्डले व्यवस्थित आप्रवासनका लागि कानुनी मार्गहरू विस्तार र द्रुत गर्नेछ तर ती कानुनी मार्गहरू प्रयोग गर्न असफल हुनेहरूका लागि नयाँ नतिजाहरू ल्याउनेछ ।

२०२४ को चुनावमा उठ्ने योजना बनाएका बाइडेनले मेक्सिकोको सीमामा २ बर्षमा आप्रवासीहरुलाई हिरासतमा लिइएको रेकर्ड ब्रेक नम्बरका साथ उत्पन्न राजनीतिक र परिचालन नतिजाको साथ संघर्ष गरिरहेका छन् । पदभार ग्रहण गर्नु अघि बाइडेनले सिमानामा २० लाख मानिस नभई एक व्यवस्थित प्रणाली चाहने बताएका थिए ।

तर उनको पहिलो वर्षको दौडान सीमानामा पक्राउको संख्या १७ लाख पुगेको थियो भने दोश्रो बर्ष २४ बर्ष पुग्यो । बाइडेनले आफ्नो प्रशासनको अध्यागमन प्रणाली सुरक्षित, व्यवस्थित र मानवीय हुने वाचामा अभियान चलाएका थिए ।

from khasokhas

Leave a Reply

Your email address will not be published. Required fields are marked *