अब अमेरिकामा घरेलु तथा लैगिकहिंसाका पीडितले शरण पाउने

अमेरिकामा सामान्यतर शरण लिनेहरु ९० प्रतिशत राजनीतिक कारण रहने गरेका छन । विश्वभरका मानिसहरु अनेकारणहरु लिएका शरण लिई रहेका हुन्छ जसका लागि अमेरिकी सरकारले केहि परिभाषित गरिएका वर्गले अमरिकामा शरण पाउने छन । अब अमेरिकामा घरेलु तथा लैगिकहिंसाका पीडितले पनि शरण पाउने भएको हो ।

घरेलु र गिरोह हिंशाबाट पीडितहरुलाई एसाइलममा कडाई गर्ने विगतको ट्रम्प प्रशासनको विवादास्पद नीतिलाई डिपार्टमेन्ट अफ जस्टिसले उल्टाइएको छ । अब अमेरिकामा घरेलु र गिरोह हिंशाबाट पीडितहरुले पनि विगतको तुलनामा सहजै एसाइलम पाउनसक्ने भएका छन् ।

बुधबारका केही घोषणामा एटोर्नी जनरल मेरिक गाल्र्याण्डले विगतका ट्रम्प प्रशासनका पालाका एटोर्नी जनरलहरुले ल्याएका विवादास्पद नीतिहरुलाई खारेज गरिदिएका हुन् । उनले घरेलु हिंशामा परेर आफ्नो देश छाडेर अमेरिका आएका महिला वा गिरोहको निशानामा परेका परिवारलाई एसाइल संरक्षण प्रदान गर्ने नीतिलाई ब्यूताएका छन् ।

गत फरबरीमा राष्ट्रपति जो बाइडेनले कार्यकारी आदेशमार्फत डिपार्टमेन्ट अफ होमल्याण्ड सेक्युरिटी र डिपार्टमेन्ट अफ जस्टिसलाई एसाइलमका योग्यताबारे नयाँ नीति बनाउन आदेश दिएका थिए । उक्त प्रकृयाकालागि महिनौं लाग्नसक्ने र विगतका ट्रम्पकालिन नीतिका कारण जोखिममा रहेकाहरु देशनिकालामा पर्ने खतरामा रहेको भन्दै अधिकारकर्मीहरुले एटोर्नी जनरलहरुलाई नीति परिवर्तनका लागि आग्रह गरेका थिए ।

एटोर्नी जनरलको आजको कदमले एसाइलम प्रकृयामा निष्पक्षता हुने अधिकारकर्मीहरुको अपेक्षा रहेको छ । लिंगको आधारमा भएका विभेद र घरेलु हिंशाका कारण आफ्नो मुलुक छाड्न बाध्य भएकाहरुको जीवन बचाउन मद्दत पुग्ने अपेक्षा गरिएको छ ।

म्याटर अफ एबी र म्याटर अफ एलएफएका सन्दर्भमा ट्रम्प प्रशासन अन्तरगतका एटोर्नी जनरलले गरेको निर्णयमा एसाइलमलाई कडा बनाइएको थियो । तर आजको निर्णय अनुशार एसाइलमका ती प्रावधानहरु ट्रम्पले कार्यभार सम्हाल्नु अगाडि अर्थात् ओबामा प्रशासनका पालामा जुन अवस्थामा थिए, त्यही अवस्थामा फर्काइएका छन् ।

Leave a Reply

Your email address will not be published.